E promé edishon di “E Mulina Farandulero The Best Award 2018”

112
E tin nos farándula duru pega na su Kurason.

WILLEMSTAD,—-Djamars awor lo bai tin e promé edishon di “E Mulina Farandulero The Best Award 2018”. Esaki lo bai ta un Award pa músiko nan ku a sa di destaká mas mihó durante di e promé 11 luna nan di aña 2018.

Esaki ta en konekshon ku e programa di Farándula ‘E Mulina Farandulero ku ta tur lugá tur djamars na Radio Active 104.5 FM di 7or pa 10 or di anochi, presentá pa Kòrá Faneite. E Award ta keda di spònser pa Radio Active i Palasio di Trofeo. T’asina ku djamars awor for di 7 or di anochi lo bai kuminsá entrega tur esun nan ku tabata grandi e aña aki.

En total lo bai tin 10 Award i esaki na lo bai ta pa “Banda di aña di Kòmbèk, Banda di aña Ritmo Kombiná, Entertainment band di aña, Grupo di Tambú di aña, Grupo Rítmiko di aña, Kantante di aña di Kòmbèk, Kantante di aña Ritmo Kombiná i por último Komediante di aña 2018.

T’asina ku djaluna awor tur esun nan ku a gana nan Award ta haña un yamada, pa asina nan ta presente djamars anochi na Radio Active 104.5 FM pa asina durante di e programa nan ta risibí nan Award. Nos mester bisa ku e idea ta pa tur aña di nobo e Award aki sigui tuma lugá, esaki ta pa halsa nos mes un músiko nan ku durante di aña ta traha duru i na final di aña nan ta keda premia ku un Award.