Elfriet Royer postulá komo Roadmanager di Reinan di Kaya

103
E tin un reto nobo su dilanti.

WILLEMSTAD,—-Nos a bin ta bisa ku den luna di desèmber tambe lo bai tin masha hopi moveshon ta bai tuma lugá, i esaki ta loke ku ta pasando tambe. Ayera ‘E Mulina’, a haña informashon ku Elfriet Royer ta esun ku ta bai kana ku e agènda di e banda nobo “Reinan di kaya”ku otro aña 4 di yanüari ta hasi nan debut ofisial den nos farándula.

Pues den otro palabra Elfriet Royer ta e Roadmanager di e agrupashon musikal nobo. Esaki sin duda ta un bon desishon di parti gerente di agrupashon musikal “Reinan di Kaya”, paso Elfriet ta un persona ku konosé e mundu di farándula den su plant’i man, i esaki ta hasi su trabou muchu mas fásil.

Ya for di ayera nos a skibi un relato ku ta bisa ku e banda “Reinan di Kaya tin un kantante nobo den bos di ”Nievine Villareal, i awe nos ta trese otro informashon rondó di e agrupashon musikal nobo “Reinan di Kaya”, i esaki ta ku Elfriet Royer ta e Roadmanager di e agrupashon musikal ariba menshoná.