Fundashon JAG ta invitábu na apertura di nan sede nobo

192
Nan tur ta bai tei mañan mainta for di 9 or.

WILLEMSTAD,—-Fundashon JAG tin e grato honor pa anunsiá apertura di su sede nobo pa temporada di Karnaval 2019. Esaki lo tuma mañan mainta 9 or na palu Blanku, pa ta eksakto na Braggas.

E sede ta ubiká na Schottegatweg West, riba ruta di karnaval, despues di rotònde Hariri/ Palu Blanku, direkshon Marchena, nèt dilanti di Celia Building patras di e trùk di pan hel Palu Blanku Grill, den e kura huntu ku Velamo Car Wash. Pa selebrá e dia aki Fundashon JAG tin un spesial di e último 500 karchinan na balor di 55 florin pa e konsierto di Kassav’, GENTZ TRE’CHIC, ICONS BY GIO i Orkesta Vega na apertura di Curaçao Carnival Village dia 5 di yanüari 2019.

Kòrda ku “ Op is Op” i dialuna 17 di desèmber e karchi nan na balor di 65 florin lo ta optenibel na tur e puntonan di benta  ku ta; Tik Tak, Mensing i 24 uur uit e muur. E promé 300 personanan ku kumpra nan karchi nan balor di 55 florin lo haña tambe un T shirt slim fit di Curaçao Carnival Village 2018  kompletamente grátis.

Pues un invitashon na Pueblo di Kòrsou pa pasa djadumingu 16 di desèmber. For di 9or di mainta te ku 3or di atardi pa e uuultimoooo karchinan di KASSAV’ na balor di 55,- florin i un T-shirt Slim Fit di Curacao Carnival Village 2018  kompletamente Grátis . Bo no por pèrdè e oportunidat aki. Radio Active 104.5 tambe lo tei presente pa transmití e apertura di e sede nobo di Fundashon JAG live  .