Groot Kwartier Stars a presentá su tres mènedjernan pa 2019

142
Parti di e kuerponan tékniko di e organisashon di Groot Kwartier Stars
Willemstad,– Resientemente e ekipo Groot Kwartier Stars tabata tin un reunion i alabes sera konosí party kaminda na final tabatin un sena pa a sera aña 2018 huntu .

For di promé di òktober e aña aki,  direktiva a nombra Rolando ‘Lando’ Chirino komo e GM nobo pa Groot Kwartier Stars. Tambe durante di e reunion resientemente e organisashon a nombra ofisialmente e mènedjernan di tur  e tres liganan pa aña 2019 .

Jersley ‘Juni’ Obispo lo ta mènedjer di Liga Hubenil pa 2019 i huntu kuné lo tin komo koach Robert Anastasia.

Pa loke ta klase A e ekipo di Kwartier a logra haña e eks mènedjer di Santa Rosa klase A, kende ta Andy Martina pa manehá nan klase A den 2019.

Den “AA” Jair Josepha lo ta e mènedjer nobo pa aña 2019 huntu ku su koachnan Erwin ‘Junny’ Marsden èks koach di Royal Scorpions i Demley Damoen ku un tempu tabata koach kaba den “AA” pa Kwartrier. Direktiva di e ekipo a splika tambe ku nan a palabrá ku tur e koachnan lo ta aktivo den tur e 3 liganan.