HYPE ta bai kompaña e kuater kantante nan mas eksitoso di 2018

130
Nan ta bai rementa Club Spoonz awe nochi.

WILLEMSTAD,—-No tin duda ku awe nochi lo bai bira un anochi hopi interesante den Club Spoonz, kaminda ku pa promé biaha den historia un agrupashon musikal ta bai kompaña kuater ku tin hit grandi pega riba nan nòmber den 2018. Ta trata aki di agrupashon musikal HYPE.

Ta trata aki artista nan manera Gilmar Fraites, Dan Dan i Url Isenia, Chemsz i Clinton Hato. Tin hopi pero hopi atenshon pa e fiesta di awe nochi den Club Spoonz, unda ku bo lora bo ta tende kon e hende nan ta komentá di e fiesta, paso nunka promé e kuater kantante nan aki a yega presentá ku otro bou di mes un dak.

Pa loke ta trata e kantante Gilmar Fraites e ta forma parti di agrupashon musikal ONE, Url Isenia i Dan Dan ta forma parti di entertainment band Sonnos Band, Chemsz den pasado tabata forma parti di Orkesta Vega, pero awor e ta forma parti di agrupashon musikal HYPE i Clinton Hato ta forma parti di agrupashon musikal HYPE, pues awe nochi ta un solo fiesta so ta bai tin den nos farándula i esaki ta tuma lugá den Club Spoonz kaminda ku HYPE ta bai kompaña kuater kantante ku a pega hit grandi den 2018.