Riba 100 pasahero riba promé buelo 962 Sao Paolo-Kòrsou!

458
Hato— Ayera mèrdia 2’’or, un kantidat di riba 100 pasahero a tabata riba e buelo inougural di Corendon fo’i Sao Paolo Brazil. Tantu Ofisina di Turismo, Corendon i nan sosio na Kòrsou, Divi Divi Air a ekspresá nan gratitut i konfirmá éksito riba e ruta i koperashon nobo. Segun Hugo Clarinda, e buelo di Corendon ta un viktoria pa turismo di Kòrsou.

For di djasabra mainta tempran, despues di un retraso debí na pèrmitnan aéreo, e buelo di Corendon a lanta direkshon Sao Paolo. Ta trata di un buelo dirèkt di algu mas ku 5 ora saliendo fo’i erport Hato. Corendon a mira e buraku riba merkado despues ku a nota un durashon largu pa pasaheronan ku kier yega Brazil.

Direktor di CEO di Corendon Steven van der Heijden den un entrevista riba Facebook Vigilante a konfirmá ku nan interesnan ta pa konektá Kòrsou ku Brazil i unda nan pasaheronan di Oropa alabes por haña konekshon ku Latino Amérika. E propósito importante ta pa trese pasaheronan di Brazil pa Kòrsou. Anto ayera a tuma e promé paso pa hasi esaki. Un kantidat di riba 100 pasahero. Corendon ta organisá e buelonan via di Divi Divi Air na Kòrsou.