Akisha Albert nos ta orguyoso di bo danki na nòmber di Kòrsou

242
Nos ta super orguyoso di Bo.
WILLEMSTAD.—Kada un yu di Kòrsou por sinti man mes super orguyoso di nos Akisha Albert ku ayera a sa di saka kara den e sertámen di mas grandi ku mundu konosé ku ta Miss Universo. Nos Akisha Albert ayera a lusi den tur forma e manera na Muang Thong Thani Bangkoko na Thailand.

Kaminda ku e la hala atenshon di mundu kompleto. Akisha a drenta den e 10 Dama nan di mas bunita di Mundu. Poko, poko pero sigur mundu ta konosí nos pais hopi mas di aserka. No tin duda ku Akisha Albert a saka kara di nos pais en grandi.

Un pabien ta bai na e tim ku a kompaña Akisha na Tailand i tambe na su mayor nan ku por sinti na orguyoso di nan yu muhé. Un biaha mas Akisha Akbert Danki ku bo a pone mundu konosé nos pais durante algun siman na Muang Thong Thani Bangkoko na Thailand.

Pa loke ta trata e resultado final di dos finalista a resultá Miss Venezuela Sthefany Gutiérrez, promé finalista a resultá Miss South Africa Tamaryn Green i Miss Universo 2018 a resultá Miss Filipinas Catriona. Nos Akisha Albert a keda sali na di 8 lugá i esaki sin duda ta un super tremendo presentashon, manera ku nos a bisa den e artíkulo aki Akisha Alebert Kòrsou ta super orguyoso di Bo. I pa nos bo ta nos Miss Universo 2018.