Apertura ofisial di Sede di Fundashon JAG pa Karnaval 2019

324
Momentu ku Presidente di Fundashon J.A.G. tabata hiba palabra.

WILLEMSTAD,—-Ayera for di 9 or di mainta a kuminsá bende karchi pa ku e evento ku sigur sin duda ta bai tembla nos farándula lokal. Ta trata aki di e promé evento grandi ku ta bai tuma lugá dia 5 di yanüari awor. Kaminda ku riba e fecha ariba menshoná lo bai ta na Kòrsou agrupashon musikal Kassav.

Tambe nos tin ku bisa ku ayera a tuma lugá e apertura ofisial di e Sede nobo di Fundashon J.A.G., esaki ta keda na Palu Blanku na Braggas. Nan sede ta keda riba e ruta di Karnaval i hopi sentral pa tur nos bishitante nan ku tin ku trafiká ku bus.

E apertura a tuma lugá dor di Pastor Julio Gonzalez di Parokia Martin de Pores di Seru Fortuna.Na final sr. Hubert “Juni” Aniceta a hiba palabra pa gradisí tur presente i anunsiá ku e sede lo ta habri tur dia di 9’or di mainta pa 5’or di atardi.

E sede ta ubiká na Schottegatweg West, riba ruta di karnaval, despues di rotònde Plasa Hariri / Palu Blanku, direkshon Marchena, nèt dilanti di Celia building patras di e trùk di pan hel, Palu Blanku Grill, den e kura huntu ku Velamo Car Wash. No lubidá ku 5 di yanüari lo bai tei na Kòrsou Kassav den kombinashon ku ICONS BY GIO, Orkesta Vega i GENTZ TRE’CHIC, e Konsierto show aki ta bai tuma lugá den Stadion Jhonny Vrutaal.