Bernadina i Marten ku rèkòrtnan nobo

91
Bernadina i Marten.

 

CHINA—Djasabra último den nan último evento den e kompetensia mundial di natashon na China, e atletanan YDK Seggio Bernadina i Serginni Marten, a logra pa pone rèkòrtnan personal i nashonal nobo.

Seggio Bernadina a hasi esaki den kompetensia riba 100 meter liber, unda e la pone tempu di 50.48, despues ku e mihó tempu tabata riba nòmber di Jeremy Kostons, ku tabata 51.68.

Miéntras ku Serginni Marten, a logra esaki, hustamente riba fecha ku e tabata selebrando su kumpleaño djasabra último. Un ke otro den e evento riba distansia di 50 meter Pechu, unda e la marka tempu di 28.25, despues ku e mihó tempu tabata riba nòmber di Rainier Rafaela, ku tabata 29.52.