E obra Chopochopo a dal hopi duru Djasabra último den Because

248
Un Because lata, lata di hende djasabra tras di lomba, pa wak e obra “Chopochopo”.

WILLEMSTAD,—-Djasabra tras di lomba a tuma lugá e obra titulá “Chopochopo”. Esaki a tuma lugá den Because Entretainment Center. T’asina ku e obra en kuestion a bai rondó di algun pida, pida kos ku a pasa durante di aña 2018.

Nos tin ku bisa ku tabata e dos promotor nan Ricardo Correia i Athly Maria a bin ku e idea i nan a aserka un grupo di artista nan komedia popular pa nan huntu a sa di hinka e obra den otro. E resultado di e obra tabata un éksito kompleto.

Ta trata aki di artista nan manera Boskwiri, Encho, Loloi, Boy di Bus, Cynthia Martina. Nos tin ku bisa ku kada un di e artista nan aki a sa di duna un tremendo presentashon. Otro kos ta ku e dos promotor nan den nan forma  di hasi promoshon a sa di yena Because Entertainment Center lata, lata di hende.

Di informashon ku nos tin ta bisa ku, tur kos ta mustra ku mañan lo bai tin un funshon mas di e obra “Chopochopo”. ‘E Mulina’, a drenta den kontakto ku Ricardo i nos a bisé ku nos tin infirmashon ku mañan lo bai tin un funshon mas di e obra “Chopochopo”, e la konfirmá na nos ku “Esei ta bèrdat mañan lo bai tin un funshon mas, pa e persona nan ku a keda afó djasabra tras di lomba, esaki ta bai tuma luga den Because Entertainment Center pa 8 or di anochi”.