Jong Colombia ta kaba aña den sotano

165
Geryon Alberto di Centro Dominguitu.
WILLEMSTAD—E ekiponan di Centro Dominguitu i Jong Colombia a sera e fin di siman di weganan di futbòl FFK den Promé divishon. Esaki pa loke tabata e último weganan di aña 2018.

Un ke otro den enkuentro ku a keda dirigí pa rèfri Juniel ‘Araña’ Adelina, kual Centro Dominguitu a logra triunfo ku skor di 4-1. E wega ku a hunga den Stadion Antoine Maduro na Kintjan, a alkansá sosiegu ku e ekipo ganadó den bentaha di 2-0, despues ku Geryon Alberto a habri e anotashon i Oscar Vega a oumentá e bentaha.

Den e parti komplementario, tabata Jean Carlos Torbed, for di un tiru liber ku ta kòrta e desbentaha pa Jong Colombia, promé ku riba dos hungada di Ivanny Calvenhoven, ku a regresá ku Centro Dominguitu ayera, nan yega na 2 gol mas. E promé a keda anotá pa Shayron Bernardus i e di dos pa Norman Hoyer.

Centro Domniguitu ayera banda di Ivanny Calvenhove, kende tabata di regreso, a konta tambe ku Joel ‘Jowi’ Victoria, kende a hunga su promé wega di temporada, miéntras ku Shurwendell ‘Pito’ Roosje, eks Vesta, a hasi su debut ku e ekipo.

Kontinuashon

Miéntras tantu e kampionato lo sigui otro aña, riba djabièrnè dia 4 yanüari 2019, ora ku Centro Dominguitu enfrentá e ekipo di Vesta.