Undeba ta gana den e duelo di bándabou

218
Akshon durante di e wega entre e ekiponan di bandabou.
WILLEMSTAD—Tabata djasabra anochi den un bon wega, unda ekiponan di bándabou a enfrentá otro, unda Undeba a resultá viktorioso.

Esaki na momentu ku nan a derotá e ekipo di Centro Barber, ku skor di 4-3, den Stadion Antoine Maduro na Kintjan. Juniel ‘Araña’ Adelina a dirigí e wega, unda Centro Barber a tèrminá wega ku 2 hungadó ménos, despues ku 2 di esnan prinsipal di e ekipo, kende ta Jurensley ‘Enchie’ Martina i tambe Rogyaer Anita, a keda ekspulsá.

Norvianell Naar i Luchentley Vrutaal, kada unu a anotá na 2 okashon pa Undeba, miéntras ku pa Centro Barber, Jurensley ‘Enchie’ Martina, Sandy Cijntje i Faron Troeman, tabata esnan ku a anotá.