ICONS BY GIO i Amos Balentin ta lansa “ISH HAPPENS”

279
For di ayera su piesa nobo “ISH HAPPENS” ta kuminsá zona.

WILLEMSTAD,—-Manera for di inisio a keda primintí, agrupashon musikal ICONS BY GIO ta sigui trese produkshonnan nobo riba merkado p’asina deleitá un i tur ku nan músika. I esaki ta loke ku ta a pasa riba e dia di ayera.

Despues di a lansa 6 kansion, awor ta toka turno na “ISH HAPPENS”. Esaki ta un piesa ku ta keda lansá ku su videoclip . E kansion i videoclip aki ta unu ku letra i imágennan profundo, ku ta papia di amor, engaño, desapunto, opstákulo, pèrseveransha, desepshon i traishon.

E ta bisa hopi di un hende muhé ora ku realmente el a kansa i ku ni maske kuantu e pordoná, e no ta lubidá. “ISH HAPPENS ta un kansion ku ke konsientisá tur hende pa si bo tin e persona korekto den bo bida, demostr’é semper ku bo ta stim’é pasó awe bo tin, mañan Dios so sa.

Ta trata aki di un komposishon di Amos Balentin i e areglo ta den man di Catan Carolina, mas ku klaro músiko nan di agrupashon musikal ICONS BY GIO ta esun nan ku a para 100% tras di nan kantante ku ta Amos Balentin, mester bisa ku for di awe e piesa nobo di Amos ta kuminsá zona na nos radio nan emisora lokal.