Ravello Antoin ku sinku areglo den Tumba 49

181
E tin sinku areglo na su enkargo den Tumba 2019.

WILLEMSTAD,—-Ravello Antoin ku e aña aki ta esun ku a gana ku su areglo pa loke ta trata e Tumba ganadó ku ta esun komponé pa Darwin Gregg i kanta pa Urvin “Luwi”Jano “Sende lus riba Kòrsou”. E mes un tim aki ta bolbe bai traha huntu otro aña.

T’asina ku pa festival di Tumba 2019 e areglista Ravello tin un man di sinku piesa ku ya e  la areglá. Nos tin informashon ku ya tur sinku kantante ya a haña nan areglo kla pone riba un stick. Esaki ta nifiká ku Ravello su trabounan ta pa 90% práktikamente kla.

Ta sinta e ta sinta warda aña bòltu pa asina ensayo nan kuminsá, nos a komprendé ku Ravello su plan nan ta pa bolbe ripití komo areglista ganadó, nos no mester lubidá ku e la hasi esaki kaba na tres okashon ku ta na 2003,2004 i na 2005 ku Farley Lourens.

Esaki sin duda ta loke ku ta bai hasi festival di Tumba 2019 ku ta e di 49 edishon hopi pero hopi interesante. Otro kos ku tambe ‘E Mulina’, a tuma nota di dje ta e echo ku nos ta mira ku Ravello ta práktikamente 99.9% ku agrupashon musikal E.R.A. i mester tene hopi kuenta ku e kombinashon aki den Tumba 2019.