Eksitoso klínika di futbòl pa damanan lokal

64
Esnan ku a partisipá na e klinika.
WILLEMSTAD—Stadion Antoine Maduro na Kintjan, tabata esenario pa grandioso klínika di futbòl pa damanan, organisá pa S.U.B.T., den koperashon ku FFK.

Tabata un klínika pa damanan ku ambishon pa e deporte di futbòl, di 6 pa 21 aña di edat, ku a hiba di nòmber ‘Curaçao’s Mission for Woman’s Football’ i tabata na enkargo di e èks futbolista profeshonal, entrenadó di dama i ‘scout’ pa KNVB, Renée Slegers, kompañá pa Rocky Hehakaija. Huntu ku Philip Veldhuis, nan ta e fundadónan di e ‘Stichting Favela Street’ na paisnan manera Brazil, Haiti ku Hulanda.

Un grupo di alrededor 60 partisipante a inskribí pa e klínika aki i a keda repartí den gruponan chikí a base di nan edat, unda na final tabatin algun torneo chikí pa pone den práktika tur loke a siña.