Julius Koko aserka pa algun grupo di Tambú pa ta nan representante

240
Algun grupo di Tambú a aserka su persona pa ta nan representante.

WILLEMSTAD,—-Di informashon ku a drenta na mesa di redakshon di ‘E Mulina’, ta bisa ku algun grupo di Tambú a aserka Julius Koko pa ta nan representante. Esaki ta den kuadro ku grupo nan di Tambú no tin un persona ku ta kla pa sali pa nan lucha, i nan ta mira esaki den persona di Julius Koko.

Mas ku dos dia tras di lomba tabatin un reunion ku a tuma lugá den Curaçao Festival Center, kaminda ku Julius Koko tambe tabata sinta na mesa den e dicho reunion yama pa grupo nan di Tambú i Aguinaldo. No ta un sekreto ku tantu grupo nan di Tambú i Aguinaldo no ta pasando den nan mihó mentu pa loke ta trata e famoso Pèrmit.

Esaki ta e motibu prinsipal ku algun grupo di Tambú a aserka Koko, paso nan sa ku ta trata aki di un persona ku no ta gusta mira abusu sosodé ku ningun hende i ku organisashon nan, mes ora e ta sali na nan defensa.

Nos a trata na drenta den kontakto ku Julius Koko pa asina nos tende su banda di medaya di e informashon ku nos a haña ayera anochi, pero nos no por a haña Koko na telefon. Mas lat nos a komprendé ku Koko tabata den un reunion, pero nos fuente a bisa nos ku tur kos ta mustra ku Julius Koko lo a òf ta bai aseptá e yamada di e grupo di Tambú pa e ta nan representante. ‘E Mulina’, sigur ta bai sigui e moveshon aki ku wowo nan di falki.