Junior All Star Orchestra a move bon durante 2018

232
Nan a dal duru djaluna tras di lomba na Parke Wilhelmina.
WILLEMSTAD,—-Djaluna tras di lomba e formashon musikal Junior All Star Orchestra tabatin un presentashon na Parke Wilhelmina. T’asina ku e banda a dal hopi bon i esaki a habri wowo di algun promotor ku tambe tabata na e sitio riba menshoná.

Pa ‘E Mulina’, , e Formashon musikal mas efisiente i efektivo den 2018, un biaha mas, tabata na enkargo di e Akademia di Músika, Maestro Toro Colina. E prueba ta e kantidat di presentashonnan di Junior All Star, kosistiendo di studiantenan mas avansá di e proyekto, na aktividatnan grandi di un forma eksitoso.

Algu masha importante, ku nos a nota, ku kada biaha, ta trata di inkorporá hóbennan di 10 11 i 12 aña , huntu ku esnan mas eksperensiá. E sekshon di bras hóben tambe a forma parti di e orkesta grandi durante e proyekto, Nos Rais Musikal. Junior All Star Orchestra, ku ta formá pa e studiantenan mas avansá a  duna diferente presentashon i esnan ku mas a resaltá ta.

Festival di tumba grandi  reforsando G spot; Un kanto pa Kòrsou 2018 reforsando orkesta grandi. Dia di bandera ( 2 di yüli), presentashon pa Pareha Real riba kiosko na Plasa Brion; Presentashon eksitoso festival un kanto pa Boneiru 30 di  ougùstùs pa 2 di sèptèmber; Festival Nos Rais musikal, kompañando den formato di “Big Orchestra”, 30 komposishon, interpretá pa diferente kantante popular inkluso e frònt di Buleria dia 7 di òktober den Curaçao Festival  Center. Presentashon dia di Músiko na Sambil 22 di novèmber.  Eksitoso konsierto di Pasku 8 di desèmber na misa di Bonam, kompañando 3 pastor den un forma sublime; Presentashon eksitoso 13 di desèmber na Hotel Renaissance; Presentashon den gran forma na Parke Wilhelmina 17 di desèmber durante  “Gameshow” di Bab. Éksito na Instituto pa Formashon musikal den 2019.