Oyo i Monchi ta bai bòltu Frank Curiel Ball Park

208
E ta na Kòrsou.
WILLEMSTAD,—-No tin duda ku awe nochi lo bai bira un anochi históriko den ámbito di Tambú. Paso dos legendario kantante den ámbito di Tambú ta bai topa ku otro den nos farándula lokal. Ta trata aki di E Rei di Tambú Oyo di Zojojo i su grupo ta bai topa ku Monchi di grupo Sorpresa. Aña pasa den mes un temporada aki e dos legendario kantante nan ariba menshoná a topa ku otro pero esaki a tuma lugá na Hulanda.

E ambiente di Tambú aki ta bai tuma lugá den Frank Curiel Ball Park, kaminda ku aparte di Zojojo i su di Tambú i Grupo Sorpresa tambe lo bai tei e grupo nobo ku ta Grupo Brasa Brasa. ‘E Mulina’, tin ku bisa ku, mañan ta pa promé biaha ku e dos legendario kantante nan ta bai topa ku otro na Kòrsou.

Den kaya tin masha hopi komentario positivo rondó di e ambiente di mañan, ku ta tuma lugá den Frank Curiel Ball Park, paso ta tur hende ke mira E Rei di Tambú Oyo i Monchi di Grupo Sorpresa pa promé biaha bou di mes un dak.

Paso ta trata aki di dos kantante ku tin masha hopi hit mes riba nan nòmber. Kòrda ku Doña Mistica Stefania tambe tei mañan anochi, pa asina e perkurá pa tur kos kana manera mester ta. Pues no tin duda ku mañan anochi tur konsentrashon lo bai ta den Frank Curiel Ball Park. Paso ta un tabla pa bai bula den e lugá.