Grupo nan di Tambú i Aguinaldo a bira lomba pa Kas di Kultura

271
E tambe tabata den e reunion di ayera.

WILLEMSTAD,—-Kos nan ta bira mas i mas interesante den ámbito di Tambú, t’asina ku nos a haña informashon for di nos fuente ku a bisa nos ku ayera tabatin un reunion ku a tuma lugá kaminda ku grupo nan di Tambú i kuerpo polisial a sinta ku otro.

‘E Mulina’, a haña informashon ku grupo nan di Tambú i Aguinaldo a bira lomba pa Kas di Kultura. Esaki tabata di spera tendiendo tur e rumor nan ku tabata sirkulá den kaya, ya hopi hende a kuminsá pensa kaba ku e buèlta en kuestion aki lo a presentá.

Ya for di ayera nos a haña informashon ku Julius Koko a keda aserka pa algun grupo di Tambú pa e ta nan representante, mester bisa ku ayera Julius Koko tambe tabata den e reunion huntu ku kuerpo polisial i tambe kabesante nan di grupo nan di Tambú.

Tambe nos a haña informashon ku di awor aki te ku fin di luna ku ta fin di aña 2018, grupo nan di Tambú i Aguinaldo por bai dirèkt na Warda di Polis i asina atendé ku nan asuntu di pèrmit, pues den otro palabra nan no mester bai mas na Kas di kultura e sobra dia nan ku a sobra aki den 2018, e otro bon notisia ta ku tambe nan pèrmit ta keda trata den sinku dia. Nos tin ku bisa ku esaki ta un buèlta hopi interesante ku sigur nos lo bai sigui vigilá ku wowo nan di falki.