HAK’E Curaçao Jump in ta 23 di febrüari ku 9 agrupashon musikal

276
Asina aki e ambiente tabata e aña aki.

WILLEMSTAD,—-Anunsiando nan patrosinadó ofisial “Volkswagen Curaçao” pa e wikènt di “HAK’E Curaçao Jump In Festival” den 2019, Estreno mas Wepa a inisiá su rueda di prensa dunando informashon di un tremendo wikènt den febrüari ku hopi ambiente karnavalesko.

Despues di por a organisá HAK’E 3 aña konsekutivo riba e tereno di parker na Sambil den 2019. Curaçao  Festival Center lo ta e kas di e festival aki. Den u kolaborashon sumamente positivo e organisashon di HAK’E huntu ku A.M.A.K. a yega na un akuerdo pa organisá tur e dos dianan aki den Festival Center. Estreno mas Wepa a konfirmá ku e fanátiko di HAK’E lo eksperensia Festival Center di un manera ku nunka promé nan no a wak.

E di 4 edishon di HAK’E lo ta unu ku sin duda lo bai paralisá nos farándula lokal riba e djasabra di 23 di febrüari, kaminda ku lo bai tin un total di nuebe agrupashon musikal. E agrupashon musikal nan ku ta presentá riba e dia en kuestion ta HYPE, ONE, Highway Band, Vega, Dolce Banda, DREAMS, GENTZ TRE’CHIC i ICONS BY GIO.

Tambe lo bai tin algun artista invitá ta ingredientenan  pa un ambiente sin igual. Kombiná esakinan lo bai tei aserka  DJ Ro-1 I tambe MC Chris Strick bo sa ku HAK’E ta un Festival ku bo no por pèrdè.

Pues djasabra dia 23 di febrüari e Jump In  HAK’E, lo ta esenario pa  9 agrupashon musikal ku lo kompartí 3 diferente esenario durante un eksploshon di músika di roadfire, tumba i algun sorpresa mas. HAK’E, ta un evento sumamente gusta ta pinta di ta un wikènt pa tur hende.