Tumba nan di dékada 70 80 90 i 2 mil bin ariba ta bai zona den CFC

645
E tambe ta bai tei djabièrnè 22 di febrüari den CFC.

WILLEMSTAD,—-Djabièrnè dia 22 di Febrüari HAK’E lo ta e esenario pa duna Homenahe na Tumba. Organisadónan a hinka un programa den otro kaminda 4 orkesta lokal lo tin un repertorio ku diferente Rei I Reina nan di Tumba ku a keda Korona den pasado.

T’asina ku riba djabièrnè 22 di febrüari amantenan  di Tumba I tambe e fanátiko di HAK’E lo haña un espektákulo karnavalesko den un ambiente ya kustumbrá di HAK’E. Por lo ménos 10 Reinan di Tumba lo presentá ku orkestanan manera ERA, Doble R, Randal Corsen Ochestra I Happy Peanuts.  Tumberonan manera Mr. Saab, Farley Lourens, Tico “Benoni” Balentien, Ike Jesurun, Gibi Doran, Izaline Calister, Elia Isenia i Reinier Lijfrock ta algun di e artistanan ku lo presentá e anochi en kuestion.

Pa e okashon aki lo bai tin Rei di Tumba nan di diferente dékada ku ta bai presentá djabièrnè 22 di febrüari, manera Mr. Saab ku a keda korona pa promé bes den dékada 70 na aña 1975, Gibi Doran den dékada 80 pa ta eksakto na aña 1984, Doña Elia Isenia i Ike Jesurun tambe a keda korona den dékada 90, Doña Elia Isenia pa promé biaha na aña 1991 i Ike Jesurun na aña 1995.

Pa loke ta trata Izaline Calister, Farley Lourens, Reinier Lijfrock, Tico“Benoni” Balentien , tur a keda korona di aña 2 mil bin ariba, Izaline a keda korona na aña 2001,Farley na 2003,Reinier Lijfrock na 2006,Tico Balentien na aña 2007. E chèns ta hopi grandi ku e Rei i òf Reina di Tumba 2019 tambe lo presentá su tumba ganadó djabièrnè 22 di febrüari.