Axel Pikero posibel kompositor i areglista pa Raynor “Ray” Lauffer

199
Nos tin informashon ku e ta bai Tumba 49 ku komposishon i areglo di Axel Pikero.

WILLEMSTAD,—-No tin duda ku Festival di Tumba 2019 ta bai bira hopi pero hopi interesante, paso ta masha hopi moveshon peligroso ta forma den kas di diferente Kompositor i areglista. Nos tin informashon ku e popular kompositor i areglista Axel Pikero tin plan nan grandi pa bolbe gana Festival di Tumba, mes un kos ku e la hasi na aña 2006.

Di informashon ku a drenta na nos mesa di redakshon ta bisa ku Axel Pikero por ta e posibel kompositor i areglista pa Raynor “Ray” Lauffer den Festival di Tumba 2019. T’asina ku e aña aki Ray a partisipá den Festival di Tumba ku un Komposishon di Amos Balentin i Titi De Palm ta esun ku a areglá e Tumba.

Pero nos fuente a bisa nos ku tur kos ta mustra den e direkshon ku pa otro aña Ray ta bai guera ku un komposishon i areglo di Axel Pikero, tambe nos a komprendé ku e komposishon di Axel Pikero pa Rei pa na 85% kla, nos tin ku bisa ku den pasado ya e dos músiko nan aki esta Ray i Axel a yega di traha ku otro kaba.

‘E Mulina’, a drenta den kontakto kuAxel Pikero, pero sin resultado deseá. Tambe nos a drenta den kontakto ku Amos Balentin e tambe no a kontesta su telefon. Nos ta na altura ku djabièrnè tras di lomba Amos tabata na Boneiru kaminda ku e la presentá ku su agrupashon musikal ICONS BY GIO i ayera nan mester a presentá den Club Spoonz, esaki kisas ta e motibu ku e no a kontesta nos yamada, paso normal e ta kontesta su telefon mes ora, òf e mes ta yama bèk. Un kos si ta tur sigur ku tin i esaki ta ku ‘E Mulina’, ta bai sigui e moveshon aki ku wowo nan di falki.