Buleria “One Night Stand Ladies Night”

122
Nan ta den Club Spoonz awe nochi.

WILLEMSTAD,—-Grandi nan tin un dicho ta bisa ku nada no ta pasa por nada. T’asina ku dos dia tras di lomba ‘E Mulina’, a skibi un artíkulo kaminda ku nos a bisa ku algun fiesta grandi lo bai ser kanselá i òf kambia di sitio, na promé instante hopi hende a kere ku ta riba wega nos ta, pero na final di dia nan a bin duna nos rason.

T’asina ku normal awe nochi agrupashon musikal Buleria mester a presentá den W.T.C. den e kombinashon forma ku GENTZ TRE’CHIC i komo artista invitá Tsean. Pero e fiesta di awe nochi a ser kanselá, ta trata aki di e fiesta ku ta karga di nòmber “Emporia”.

Pero manera ku e dicho di nos Grandi nan sa bisa ‘Nada no ta pasa pòrnada’, paso awe nochi e kos ta bai sinta den Club Spoonz. Kaminda ku agrupashon musikal ta bai presentá henter anochi den un fiesta ku ta karga di nòmber Buleria “One Night Stand Ladies Night. Mester bisa ku entrada pa e fiesta aki 25 florin hinter anochi.

Esaki ta nifiká ku awe nochi ta un fiesta so tin, i esaki ta tuma lugá den Club Spoonz. Kaminda ku e agrupashon musikal number 1 den reino Hulandes ta bai presentá tur su hit nan, i tambe nan lo bai tin algun artista invitá di sorpresa, pues sin muchu palabra awe nochi e kos ta sinta den Club Spoonz. Korda ku ta na porta so tin karchi pa e fiesta di awe nochi.