Dezz tabata grandi den e programa di farándula “Den Do Mayó”

557
Aki por mira “Dezz” i Kòrá Faneite den studio di Vigilante TV.

WILLEMSTAD,—-Ayera un biaha mas e programa di farándula riba e Facebook di Vigilante “Den Do Mayó” tabata grandi. Manera ya ta konosí e programa di farándula ta riba tur djabièrnè tres or di atardi, i biaha aki e invitado tabata e artista yu di Kòrsou ku ta biba na Hulanda Benjamin “Dezz” Pieter.

E presentadó di e programa a bai hopi profundo ku e artista ariba menshoná, for di su infansia, te ku nan grandi, mester bisa ku e programa a hala hopi atenshon riba e página di Facebook di Vigilante. E artista a kuminsá for di nada i awor e ta un di e artista mas popular ku tin den género di Urban.

Nos tin ku bisa ku “Dezz” ta na Kòrsou te ku di dos siman di yanüari. Na e momentu nan aki e ta hasiendo diferente grabashon i tambe videoclip nan. Mas aleu “Dezz” a bisa ku pa kuminsá mentu di aña e ta buta un piesa nobo i vidioclip riba merkado, durante di e programa e la kanta un pida di su piesa nobo. Si bo wak e programa di ayera, djis bo tin ku subi Facebook i skibi Vigilante i no ta haña e programa di ayera, kaminda bo mes por mira i tende e historia di e gran artista den genero di Urban “Dezz”.