Kaya Kaya Bou di Brùg na Otrobanda un éksito kompleto

140
E potrèt aki ta papia un palabra kla.

WILLEMSTAD,—-Djasabra tras di lomba a tuma lugá e di dos edishon di e aktividat “Kaya Kaya” pero e di dos edishon a hiba di nòmber ‘Kaya Kaya Bou di Brùg Edishon 2”. Mester bisa ku esun promé a tuma lugá den luna di ougùstùs tras di lomba.

Pa loke ta trata e di dos edishon, nos tin ku bisa ku esaki a resultá un éksito kompleto. Un aktividat super bon hinka den otro. Masha hopi hende mes a sa di bishita e aktividat ariba menshoná. Tambe nos tin ku bisa ku esaki a konta ku diferente nashonalidat.

‘E Mulina’, a haña informashon ku ya kaba e organisashon ku ta para 100% tras di e aktividat, ya tin e di tres “Kaya Kaya” pone riba mesa, i esaki den 2019 lo bai ta otro éksito, mes un kos ku e dos promé edishon nan. Nos tin ku bisa ku ta trata aki di un organisashon ku ta traha hopi serio riba nan aktividat ku ta dediká 100% den nan Bario ku ta Otrobanda.

Loke tambe ku a hala nos atenshon hopi djasabra tras di lomba, ta e echo ku tabatin diferente género musikal ku a presentá den e aktividat. I mas interesante ta ku kaba un di e agrupashon musikal nan tabatin hopi hende ku a para wak nan presentá, esaki sin duda ta loke ku ta duna kaba músiko energia pa trese nan músika dilanti.