Kòrá Faneite i Mari di TCFM ta padrinu i madrina di e CD di ONE

239
Momentu ku madrina i padrinu a batisá nan CD nobo di ONE.

WILLEMSTAD,—-Djaweps tras di lomba agrupashon musikal ONE a batisá nan CD nobo, esaki a tuma lugá na Le Ciel. T’asina ku e agrupashon musikal a batisá nan CD den un forma apart i úniko, nan a presentá kada un piesa ku tin riba nan CD nobo.

Gerente di agrupashon musikal ONE a skohe Mari di TCFM i Kòrá Fanaite komo madrina i padrinu pa nan CD nobo. T’asina ku tur hende ku tabata presente na Le Ciel a bati man na momentu ku e kantante kompositor i areglista Dibo-D a anunsiá ta ken nan a skohe komo padrinu i madrina pa nan CD.

Otro bon notisia rondó di agrupashon musikal ONE ta ku nan ta bai Festival di Tumba, te na e momentu nan aki nos tin informashon ku nan ta bai ku tres kantante. Pero e chèns ta hopi grandi ku e banda por bai kompaña un kantante hopi konosí den nos farándula lokal.

Tambe nos tin informashon ku agrupashon musikal ONE, tin presentashon tur e dia nan aki, esta ku nan tin un agènda bon yen. Nan tin mas 10 presentashon pa fiesta nan di kompañanan priva. Pues a banda tin su moveshon nan, esaki ta danki nan CD nobo lu tin algun piesa ku ta zonando hopi na diferente radio emisora lokal.