Pero posiblemente Team AxL si ta den Tumba 2019 ku dos kantante

141
E tin un master plan pa ku Festival di Tumba 2019.
WILLEMSTAD,—-Tin un moveshon hopi interesante ta tumando lugá, na e momentu na aki rondó di e popular músiko kompositor areglista Axel Pikero. T’asina ku nos a haña informashon n i konfirmashon for di un fuente ku agrupashon musikal DREAMS no ta partisipá otro aña den Festival di Tumba, mester bisa ku e banda DREAMS a partisipá na 8 okashon e la kuminsá na aña 2011 te ku e aña aki.

Pero di informashon ku a drenta ayera den ora nan di anochi na mesa di redakshon di ‘E Mulina’, ta bisa ku tin un moveshon hopi interesante na kaminda, pa loke ta trata Festival di Tumba 2019. T’asina ku nos a haña informashon ku Axel Pikero ta armando un agrupashon musikal hopi ferfelu pa e drenta Curaçao Festival Center kuné.

Nos tin asta nòmber di e agrupashon musikal. E banda su nòmber lo bai ta Team Axl. Tambe nos tin informashon ku Team Axl lo bai kompaña dos kantante. Mas informashon ku a drenta na nos mesa di redakshon ta bisa ku Axel Pikero lo bai tin tres areglo den Festival di Tumba 2019.

‘E Mulina’, sin duda ta bai sigui vigilá e moveshon nobo aki ku wowo nan di falki. Un súplika pa tur hende kòrda e fecha aki bon. Paso despues bo ta bai haña hopi hende ta bai broma ku pluma di Bo Korant number 1 ku ta Korant Vigilante.