Street Culture Festival ‘Kaya Kaya’ ta riba un mishon

77
Awe ta bai tin e di dos edishon.

WILLEMSTAD,—-Awe sin duda kaya nan di Ser’i Otrobanda lo bai ta e sitio ku tin mas moveshon den dje. Ta trata aki di un aktividat ku ta tuma lugá for di for di Keizershof bai Van Lennepstraat, i despues via Venusstraat yega ‘mirador’ bou di brug kaminda bo tin bista fastástiko riba bahia di Santa.

Huntu ku e habitantenan di e bario nos a traha duru e simannan ku ta tras di lomba pa konstrui un bario pa keda eksistí. Nan meta ta pa laga e bario atras den un situashon mihó ku nos a bin hañ’e: ‘Leave it Better Behind’. Abo komo bishitante por konta riba un festival tur afó pa selebrá e desaroyo aki ku diferente kultura di kayanan di Kòrsou. Bo ta haña presentá obranan, live music, pop-up restorants i otro vendor stands ku por ehemple kos dushi i bibida.

E aktividat en kuestion ta kuminsa for di 4 or di atrdi I e ta termona 12 di anochi. Meta di e fèstival ta pa trese diferente hendenan huntu i pa duna un bario un impulso positivo. E trabounan ta tuma lugá den estrecho koperashon ku Fundashon Ser’í Otrobanda’ palabranan di Kurt Schoop. ‘Un toke positivo ta ku Kaya Kaya a haña diferente sponsors ku nos tin e posibilidad pa desaroyá e bario di un sistema mas duradero.’

E personanan ku a krea Kaya Kaya ta Kurt Schoop, Raygen Zuiverloon i Clayton Lasten. E promé Kaya Kaya a tuma lugá ougustus ku tabata un eksito rotundo. E eksito a animá e trio pa kuminsá prepará mes ora pa e di dos Kaya Kaya. Un limpiesa grandi mester a tuma lugá i planta mata pa un toke bèrdè. Entre otro Aviantia Damberg, Marvi Johanna i Franco Zapata ta sòru pa diferente tipo di obranan di man i pinturanan na muraya (Murals). E desaroyo aki nos ta bai selebrá 22 di desèmber ku e Street Culture festival, Kaya Kaya.