Zudup Hopi Forsa a pone òrdu i rèspèt den Club di Shell djasabra último

309
Su banda su forsa tabata hopi grandi djasabra den Club di Shell
WILLEMSTAD,—-Club di Shell tabata e sitio kaminda ku tabatin un fiesta grandi den ámbito di Kòmbèk. Ta trata aki di e fiesta ku a karga di nòmber “Fanátiko Party”, i tambe kaminda ku e desishon mester a kai kua banda lo bai kas komo banda number 1 den ámbito di Kòmbèk.

No ta un sekreto ku dia 22 di desèmber A.M.A.K. a saka dos banda di aña den ámbito di Kòmbèk. I esaki a pone ku algun promotor a bini ku e idea pa pone un fiesta pa asina laga fanátiko nan di ámbos agrupashon musikal mes disidí ta kua di e dos agrupashon musikal nan ta e banda di aña 2018.

Di informashon ku nos a risibí direktamente for di Club di Shell ta bisa ku, ámbos agrupashon musikal a presentá bon. Tur dos tabata grandi musikal mente. Pero e agrupashon musikal Zudup Hopi Forsa a demostrá ku nan tin muchu mas tantu eksperensia ku agrupashon musikal Classic XD.

Tambe nos a haña informashon ku ámbos banda mester a presentá un show durante di e fiesta, aki nos ta para ketu un ratu, paso nos tin informashon ku Classic XD a duna un tremendo show na momentu ku e kantante Ash Rooi a presentá su hit Il Alleen ku a resultá piesa di aña 2018, tabatin un show di vürwèrk huntu kuné, i esaki sigur a kue músiko nan di Zudup Hopi Forsa i nan fanátiko nan for di base, pero despues di esei si lus di Classic XD a paga. Paso tabata na e momentu ei ku e eksperensia musikal a kai aden di parti di Zudup Hopi Forsa. I esaki a pone ku agrupashon musikal Zudup Hopi Forsa ta sera aña 2018 komo agrupashon musikal di anda 2018.