Darwin Gregg no ta partisipá komo kantante pero si komo kompositor

991
E no ta partisipá komo kantante, pero si komo kompositor.
WILLEMSTAD,—-Faltando apénas kuater dia mas pa aña 2018 yama ayó, pa asina nos kana drenta den aña 2019 ta masha hopi di e moveshon nan tin ta tumando lugá den mundu di Festival di Tumba ku otro aña ta selebrá su di 49 edishon.

Di informashon ku a drenta na mesa di redakshon di ‘E Mulina’, ta bisa ku e legendario kantante kompositor i areglista Darwin Gregg ta bisa ku e kantante no ta partisipá den Festival di Tumba 2019 komo kantante, pero si komo kompositor, mas informashon ku nos tin ta bisa ku e kantante tin seis komposishon den Tumba 49 otro aña i den nan e tin esun di Rei di Tumba 2018 Urvin ‘Luwi’Jano ku ta bai defendé ku e mes un team otro aña, esaki ta nifiká ku “Luwi Jano” ta bai ku komposishon di Darwin Gregg i areglo di Ravello Antoin.

Mas ku klaro e ta bai ku agrupashon musikal Buleria. ‘E Mulina’, a komprendé ku Darwin Gregg ke ripití komo kompositor ganadó otro aña i ta pasie, e la kuminsá skibi for di trempan, asta nos tin informashon ku  komposishon di “Luwi Jano” ta kla i tambe su areglo ta kla, no tin duda ku Festival di Tumba 2019  ta bai bira hopi pero hopi interesante.