“Den Do Mayó” ku invitado Tsean riba Vigilante Facebook

169
Mañan Tsean ta invitado den e programa di farándula “Den Do Mayó”.

WILLEMSTSD,—-Mañan ta e dia ku tin e último interesante programa di farándula, pa loke ta trata aña 2018,riba e plataforma di Fecebook di  Vigilante “Den Do Mayó” ku ta keda presentá pa Kòrá Faneite.

Ta trata aki di e programa ku ta keda transmití riba tur djabièrnè pa tres or di atardi. Pa loke ta trata e programa di mañan 28 di desèmber Kòrá Faniete su invitado ta e artista yu di Kòrsou Quinthony “Tsean” Thomasa ku ta biba i studia na Hulanda.

Nos tin ku bisa ku Tsean e último aña nan aki a bin ta kologá su mes riba e tabla di posishon hopi haltu komo kantante popular, e tin hopi hit riba su nòmber, ta trata aki di piesa nan ku ta su propio komposishon nan. Tambe nos tin ku bisa ku Tsean ta ñetu di dft legendario kantante Edwin Thomasa ku na aña 1976 a keda Korona komo Rei di Tumba di Kòrsou ku e komposishon Hake.

Pues sigur lo bai ta un entrevista hopi interesante ku lo bai tin entre Kòrá Faneite i Tsean. Esaki ta nifiká ku mañan atardi bo tambe mester ta klaba riba e Facebook di Vigilante pa asina bo no pèrdè nada di e entrevista ku Kòrá Faneite ta bai sostené ku e gran artista yu di Kòrsou Tsean ku ta biba i studia na Hulanda, kòrda ku e ta kuminsá tres or di atardi i esaki ta e último pa loke ta trata 2018.  Hopi kos lo bini afó durante di e entrevista.