Shewrin Genaro a bandoná agrupashon musikal Digital

183
Informashon direktamente for di Hulanda ta bisa ku, e no ta forma parti mas di Digita

WILLEMSTAD,—-Di informashon ku a drenta serka di ‘E Mulina’, direktamente for di Hulanda, ta bisa ku den pitu aki, tin algun moveshon ta tumando lugá den farándula na tera friu. Nos fuente a bisa nos ku agrupashon musikal den ámbito di Kòmbèk Digital a pèrdè nan Keyboard Man.

Ta trata aki di e gran músiko Sherwin Genaro. Nos a keda pone na altura ku aparte di Sherwin Genaro tin mas moveshon na kaminda, esaki na por sosodé promé ku e aña aki kaba òf den luna di yanüari, nos tin informashon ku Hulanda su farándula por bai konosé un agrupashon musikal nobo den ámbito di Kòmbèk.

Pero esaki nan te na e momentu nan aki ta rumor nan ku tin den kaya na Hulanda. Loke si ta e tópiko di notisia na e momentu nan aki ta e echo ku Sherwin Genaro ya no ta forma parti mas agrupashon musikal Digital. Nos a keda pone na altura ku e gran músiko ariba menshoná a keda señalá den bisindario di agrupashon musikal Succes Sin Stress.

Manera ku e informashon a drenta serka nos, nos a drenta den kontakto ku Joke Passial ku ta gerente di agrupashon musikal Succes Sin Stress, pa asina nos puntr’é kiko tin di bèrdat di e posibel moveshon di Sherwin Genaro i su banda, pero nos no a logra di haña kontakto ku Joke Passial, den kurso di e dia nan aki nos ta sigui buska kontakto ku Joke Passial, pa asina nos tende kiko tin d bèrdat di e informashon ku nos ta haña direktamente for di Hulanda. Pero nos fuente a sigurá nos ku Sherwin Genaro ya no ta forma parti mas di agrupashon musikal Digital na Hulanda.

l.