SO a invitá HYPE pa un anochi den Kòmbè

132
Nos ta kla pa topa ku “S.O.” ki momentu ku nan ke.

WILLEMSTAD,—-Gerente di agrupashon musikal den ámbito di Kòmbèk Sabor “S.O.”Original a manda un invitashon pa e agrupashon musikal den género di Ritmo Kombiná GET HYPE pa nan ta den kombinashon huntu ku “S.O.” den luna di yanüari.

Di informashon ku a drenta na nos mesa di redakshon ta bisa ku gerente di agrupashon musikal GET HYPE a tuma e invitashon hopi na serio, i a bisa su músiko nan pa nan kuminsá prepará un variashon di piesa di tur sorto di Montuno, paso su agrupashon musikal no ta bai baha kabes pa Sabor “S.O.”Original pa nada di mundu.

Nos a komprendé ku tantu Braien Wawoe i Bruce Bennett a manda bisa Win Palo ku ta gerente di “S.O.” ku ;piesa bin piesa bai. Den otro palabra nan ta kla 24/7 pa topa ku agrupashon musikal Sabor “S.O.”Original, es mas si tabatin fecha pa e siman aki mes, GET HYPE ta kla pa topa ku “S.O.”, pero tur hende mester warda den luna di yanüari pa baila e kombinashon aki den ámbito di Kòmbèk.