Diferente ekipo interesá den Ramses Jamanika di Santa Rosa

208
As picher di Santa Rosa ta papiando ku tur hende, pero otro siman e lo laga tur hende sa di su desishon.
Willemstad,– E as picher di Santa Rosa Indians a risibí yamada di vários ekipo ku a mustra interes den su servisionan. Vigilante a komprondé tambe ku e picher lo mester a reuní ku diferente ekipo, kaminda el a tende nan oferta i a bisa di lo bai studia esakinan pa asina duna un kontesta den kuminsamentu di aña 2019.

Mester bisa ku Jamanika ta liber, pero ta konosí tambe ku e ta sumamente kerí den e organisashon di Santa Rosa i lo no ta nada fásil pa e partisipá na nan ku e lo bandoná e ekipo.

Di parti di Santa Rosa, Vigilante a komprondé ku nan lo hasi tur nan esfuerso pa mantené nan staf di picheo intakto, sigur mirando ku nan a logra agregá Jerrrison Beaumont na e staf. Di fuentenan hopi yega na e ekipo nos a komprondé ku Santa Rosa ya a papia ku Jamanika i ta kuestion di djis pone e firma pa e keda tres aña mas ku e ekipo, ounke nos tin informashon tambe ku tin dos ekipo ku ta trahando fuerte riba e picher i ku su telefòn no ta stòp di zona i ku hasta Pasku el a haña yamada.