Kwartier i Santa Rosa ta interesá Nelmerson Anglea agente liber riba merkado lokal

120
Nelmerson Angela ta un picher lenks ku bon velosidat i el a yega di picha pa Santa Rosa Indians den “AA” ku 16 aña kousando estrago e tempu ei.
Willemstad,– Kisas tin hopi ekipo ku no ta na altura, pero un di e bon pichernan riba merkado liber aktualmente ta e hóben Nelmerson Angela kende tabata firma ku e organisashon di New York Mets.

Angela ta un picher lenks ku bon velosidat i el a yega di picha pa Santa Rosa Indians den “AA” ku 16 aña kousando estrago e tempu ei.

Broertje, manera e ta ser yama a hunga den liganan abou pa e organisashon di Brievengat pa despues den Senior League pasa pa e organisashon di Van Engelen i finalmente el a hunga den “AA” pa e ekipo Santa Rosa Indians, kaminda e mènedjer di e ekipo a mira e talentonan di Angela i komo skout di Mets mesora a traha pa a firma Broertje.

Na e momentunan aki Angela ta na Kòrsou i Vigilante a komprondé ku tin por lo ménos dos ekipo (Santa Rosa i Kwartier) ku a aserka e hóben aki, pero e ta pensando den dos, esta pues keda Kòrsou òf bai sigui su karera komo pelotero na Hulanda.

Di tur manera, e ekipo logra firma Angela, sigur lo haña un tremendo picher surdo ku lo por picha fásil den nos beisbòl “AA”.