Lo para kampionato den Yüli pa Santa Maria bai Hulanda

402
E piratanan di Santa Maria Patrosiná pa UTS lo ta na Hulanda den luna di yüli pa kompetí den e WPT aya na Rotterdam.
Willemstad,– Despues ku ekiponan a trese tur nan puntonan dilanti durante reunion general di FEBEKO, finalmente e desishon final ta ku kampionato 2019 lo bai konosé un break na momentu ku e ekipo di Santa Maria Pirates biaha pa Hulanda pa kompetí den e weganan di World Port Tournament.

Tabatin diferente komentario di ku ekiponan lo no bai di akuerdo pa para kampionato i ku nan tabata kier sa kon e invitashon a yega serka Santa Maria pa partisipá den e torneo aya na Rotterdam Hulanda.

Finalmente tur punto a ser bari for di mesa i e desishon final ta ku Santa Maria lo bai kompetí den yu na Hulanda i ku kampionato lo para wardando e piratanan regresá.

Esaki ta nifiká mesora tambe ku e ekipo Pirata lo por reforsá ku kua hungadó ku nan ke pa e biahe aki.

E punto kardinal ku a yega na e disishon pa para e kampionato, ta ku den reunion a bisa ku si Santa Maria reforsá ku un hungadó, por ehèmpel Risandro Pastor, e ekipo lo por hunga su weganan normal segun FEBEKO, pero akinan Marchena e ora ei a bisa ku no, si ta asina mihó para e kampionato, paso no por deskriminá si bai un unu di Marchena of 5 di Wild Cats. Esaki a bira un diskushon i finalmente desishon a kai ku kampionato ta para durante e periodo ei.