Oferta di 5000 tirá riba hungadó di Santa Rosa

252
Un ora pa otro Lipo Elhage lo por hañ’é ku mas petishon pa karta di retiru, mirando ku ta hasiendo ofertanan lukrativo na su hungadónan.
Willemstad,– Vigilante a risibí un informashon ku a keda konfirmá, pero a pidi nos pa no publiká nòmber ainda. Solamente ke pa nos bisa ku un ekipo ku a klasifiká den e seis ekiponan e aña aki, lo mester a bentá un oferta di 5000 florin pa temporada riba un hungadó di kuadro di e ekipo Indjan.

Aparentemente na promé instante e hungadó aki no tabata kier kambia di klup, pero na momentu ku e oferta a kai, esaki a pone kuminsá pensa i duda.

E loke semper a ser papia den beisbòl ta ku Santa Rosa no ta paga, pero na e alturanan aki i ku e desaroyo i rumbo ku beisbòl a kue, mester ta realístiko ku si bo no paga bo no ta keda ku e mihó hungadónan sigur.

E pelotero aki mes a splika ku e ta studiando kiko e ta bai hasi, ounke ku e no ta liber, pero e oferta ta muchu bon pa lag’é pasa bai asina. El a keda di aserká e ekipo indjan pa wak kiko nan lo por hasi kontra di e oferta aki.