Proposishon pa un sistema di ‘transfer fee’ pa hungadó ku no ta liber

87
Manfred Jr, Fretje Gomes ta esun ku a bini ku un proposishon pa introdusí un ‘transfer fee’ pa wak si por yuda e ekiponan mas chikí maske ta un poko.
Willemstad,– Un di e lokual nan ku sigur lo por yuda ekiponan ménos fuerte finansieramente den beisbòl “AA” ta e lokual a keda proponé durante e último reunion general.

T’asina ku e ekipo di Wild Cats a bini ku un proposishon pa introdusí un sistema di ‘transfer fee”, esaki ta nifiká ku na momentu ku un hungadó NO ta liber i e kier kambia tòg di ekipo, e ekipo ku e kier bai lo mester paga e ekipo ku e hungadó ta pertenesé na dje un suma di plaka. Esaki ta trese kuné ku e por frena e kambionan di hungadónan ku no ta liber, òf e por benefisiá e ekiponan mas chikí finansieramente, mirando ku semper ta nan ta esnan ku ta ser mas perhudiká ku e desaroyo aki. E lo baha e buskamentu di e hungadónan ku no ta liber sigur, mirando ku lo bo mester paga e ‘fee’ aki i ta un sekreto públiko ku e ekipo lo mester paga e hungadó tambe.