Selekshon di aña: E kampionnan di mundu den Senior League

197
Selekshon Senior League Kòrsou kampion mundial.

Willemstad,– E selekshon di Senior League di Kòrsou a bira kampion hungando primeramente kontra e selekshon di Liga Pabou i esun di Liga Sentral, kaminda den final nan asa di gana di Liga Pabou den dos wega for di e seri mihó di tres,.

Ku esaki nan a gana e derecho pa representá Kòrsou den e kompetensha di Karibe ku a tuma lugá aki na Kòrsou, kaminda den un partido dramátiko despues di tabata atras 5-2 ku dos out den último entrada, nan ta sa di rèli pa empatá e wega kontra Puerto Rico i finalmente den di 10 entrada ta bin laga e ekipo Portorikeño den tereno pa gana e derecho pa representá Karibe den e kompetensha Mundial na South Carolina.

Den e mundial e selekshon di Kòrsou (Karibe) ta gana e selekshon di Venezuela (Latino) kual ta nifiká ku por yama nan mes kampion Latino Amérika tambe. Despues di esaki nan ta hunga e final di e kompetensha internashonal, ainda nan ta logra un viktoria bastante fásil kontra di Italia i asina pasa pa e final mundial kontra e ekipo merikano di East kual tambe nan ta bin logra un viktoria pa asina titulá kampion di Mundial den Senior League, esaki ta nifiká ku den e kategoria di Senior League simplemente e muchanan di Kòrsou ta esunnan mihó di MUNDU. Pa e echo aki selekshon di Seneior League Kòrsou sin duda ta e selekshon di aña.