Deklarashon di Vader Volk a lanta basta stof riba Facebook

253
Su deklarashon a habri bista di masha hopi músiko.

WILLEMSTAD,—-Mas ku siman pasa tras di lomba ‘E Mulina’, a skibi algun artíkulo ku tabata bisa ku algun fiesta grandi lo bai ser kambia di sitio i òf esaki nan ta bai keda kanselá, i esaki ta loke ku a pasa tambe ku algun fiesta wikènt tras di lomba.

Tambe nos a bisa ku esaki su motibu prinsipal ta ku nos ekonomia no ta pasando den su mihó momentu, i ku esaki ta afektá nos farándula direktamente. Pero hopi hende a tumá ‘E Mulina’, na malu pa ku e artíkulo nan ku nos a saka.

Pero ayera tabata e hóben músiko Roderick “Vader”Volk ku a pone un artíkulo riba Facebook, i esaki a hala bastante atenshon, nos tin ku bisa ku e artíkulo di Roderick “Vader” Volk i nos artíkulo di siman pasa ta kana práktikamente paralèl ku otro.

Esaki ta un pida di loke ku “Vader Volk” a pone riba Facebook ayera ku a hala bastante atenshon. “Den bida bo ta pasa den diferente etapa. E etapa di Bati Kaya ta na momentu ku bo hasi 18 aña te ku 25 aña. Despues bo ta kuminsá haña otro interes. Yu, Kas, Trabou pa menshoná algun.
Na e momentunan aki e generashon ei su interes NO ta den Ritmo Kombiná pero den músika Urbano. Esaki ya pa basta aña kaba. I dor di esaki e Farándula di Ritmo Kombiná a keda biba den su pasado. Lagami menshoná algun ehèmpel, Qsign Melowstreet. Luwi ku Tico den frònt di GIO. Randy-Ivanhoe ku Qshans den frònt di Caché of GENTZ. Roald-Clarck ku Lèlè den frònt di GIO.
BDM(No Game).  Eseinan ta fiestanan grandi ku a dal duru. Tur loke ta aktualidat no tin forsa.Fanátiko; Binti aña pasá ku e interes tabata grandi pa Ritmo Kombiná TUR BANDA tabata tin nan fanatikada. Riba un Djasabra den Saliña bo por a buta; Magic Sound den Chobolobo, OK Band den The Pub, ERA den Studio 99 i GIO den Facade. Tur tabata yen. Ainda bo tin Rizam den kueba di Hato òf Café Baranka. Ántes un promotor tabata sa kiko e tin na kada Banda. Paso tur Banda tabata tin nan fanátiko fiho. Si bo buk ‘No Game, bo sa ku tin 500 mucha yòn fiho nan tras, si bo buk GIO bo sa kiko bo tin na nan. Aworakí e promotor mester ta kreativo pa pensa un konsepto pa hala hende. Paso e Banda nan riba nan mes NO tin fanatikada”. Si nos tin ku duna Roderick “Vader” Volk rason pa su opinion ku e la trese dilanti, si nos ta dun’é 100% rason, paso ,as ku siman pasa nos a bisé a skibi di e asuntu aki, pero aparente mente hopi hende tabata drumi.