Giovanni Abath Man Of The Year 2018

160
E por mira atras riba un tremendo aña 2018.

WILLEMSTAD,—-‘E Mulina’, for di kuminsamentu di aña 2018,nos a kuminsá ta sigui diferente artista hopi di aserka  den diferente ámbito, pa asina den luna di desèmber nos bai saka Man Of The Year, esaki ta algu ku nos tabata kana kuné den mente ya pa algun aña.

Dor ku e aña aki nos a selebrá sinku aña laborando na Bo Korant Vigilante, ‘E Mulina’, a pensa pa e aña aki si nos ta bai saka Man Of The Year 2018. Nos a bin ta sigui diferente persona ku ta hopi aktivo den loke ku nan ta hasi.

T’asina ku nos tabatin 10 persona riba bista, na final a keda dos, i den e dos persona nan aki, mester a skohe unu komo Man Of The Year 2018. I ta aki nan nòmber di Giovanni Abath a sali komo e persona ku a risibí mas tantu voto.

T’asina ku for di den temporada di Karnaval Giovanni tabata hopi aktivo, tambe den temporada di Seú e tabata hopi aktivo, mas despues ku su obra nan ku e la bin ta hala bastante atenshon kuné, no aki na Kòrsou so pero tambe na Aruba, esaki mes tabata un di e motibu nan ku e la haña invitashon pa partisipá den un aktividat hopi grandi ku tabatin na Aruba, kaminda ku e la traha un obra di sinku meter, i esaki a hala atenshon internashonal. Pues pa loke ta trata 2018 Giovanni Abath ta keda rekonosé komo Man Of The Year 2018.