Konsierto di Kassav a kambia di sitio awor e ta bai “Kleine Werf”

283
Djasabra awor nan ta presentá riba “Kleine Werf.
WILLEMSTAD,—-Ayera nochi ‘E Mulina’, a haña informashon for di un fuente, ku a bisa nos ku pa 100% e Konsierto di Kassav ku mester a tuma lugá den stadion Johnny Vrutaal, a pasa awor pa “Kleine Werf” ku mester bisa ta un sitio hopi gusta den nos farándula, pa sorto do aktividat nan grandi manera apertura di Karnaval.

T’asina ku e kombinashon lo bai ta forma pa ICONS BY GIO, GENTZ TRE’CHIC i Orkesta Vega. Tambe nos tin ku bisa aserka ku Kassav ta bin selebrá 40 aña den farándula riba nos Isla, esaki sin duda ta un bon pa nos farándula, pas Kassav ta rekonosé rònt mundu, i esaki ta nifiká ku Pais Kòrsou su nòmber ta bolbe bai zona internashonal ku presensia di Kassav dia 5 di yanüari ku ta djasabra awor.

Nos a drenta den kontakto ku presidente di Fundashon J.A.G. ku ta senor Hubert “Juni” Aniceta, pero sin resultado deseá, mas den lat nos a haña informashon ku “Juni” tabata den un reunion hopi importante, i esaki tabata netamente rondó di e kambio di sitio pa loke ta trata e konsierto di Kassav riba nos Isla. En todo kaso nos fuente a bisa nos ku e konsierto no ta bai tuma lugá mas na Stadion Johnny Vrutaal, pero esaki ta bai tuma lugá na “Kleine Werf”.