Minister Steven Martina riba Chapi ku Grupo Limania

185
E la sorprendé tur hende na Strak Strak Barbershop djaweps anochi.

WILLEMSTAD,—-Djaweps tras di lomba un biaha mas tabata grandi na Strak Strak Barbershop pa loke ta trata Noche De Kompras, kaminda ku Grupo Limania G a sa di pone un super bon ambiente den ámbito di Tambú.

Nos tin ku bisa durante di e presentashon di Grupo Limania Minister Steven Martina a sorprendé tur hende ku tabata presente na e sitio ariba menshoná, na momentu ku e la kue un Chapi den su man i kuminsá pone esaki zona den gran forma.

Tur hende ku tabata na Strak Strak Barbershop a keda boka habri di mira kon Minister Martina ta dominá e Chapi, nos ta na altura ku Minister Steven ta un tokadó di Bas, esaki e ta domin’é 100%, pero e asuntu di Chapi si a kue nos tambe kompletamente for di base.

‘E Mulina’, a haña informashon ku na dos okashon Minister Steven a kue e Chapi e kompaña e grupo di Tambú Limania, esaki a kai den bon tera, paso durante di dia di ayera hopi hende a keda komentá kon bon Steven ta toka Chapi, anto e ta wanta e ritmo di Tambú manera ku ta tur dia e ta hasi esaki.