Pablo Walter a selebrá 55 aña dirigiendo Kor na Kòrsou

120
55 aña dirigiendo un Kor no ta wega.
WILLEMSTAD,—-Durante di un agasaho masha animá Sr. Pablo Walter huntu ku Kor Santa Rosa de Lima, famia i algun amigu masha yega a selebrá e hechu ku 55 aña pasa e a kuminsá dirigiendo kor na Kòrsou. Pablo mes a duna un rekuento kon henter e asuntu di dirigí  kor a kuminsá.

Tabata un anochi hopi agradabel i di parti di Gobièrnu di Kòrsou,Sr. Walter a haña un plaka di mérito for di man di Sra. Alcala Walle,  na nòmber di Gobièrnu di Kòrsou. Tambe sra. Ignarda Yankee na nòmber di Kor Ofreon Allegro a regalá Sr. Walter un bunita plakat. Miembronan di Kor tampoko a keda atras i nan tambe a regalá nan dirigènt un bunita regalo.

E potrètnan ta papia pa nan mes.  Klaro na un selebrashon no ta falta Salu i bolo i tur hende a brinda huntu ku Pablo pa e 55 añanan ku e a dirigí Kor na Kòrsou. Teniendo kuenta ku mayoria den e sala tabata miembro di Kor,ku a laga algun kantika resoná.

Un pabien na Pablo Walter i ku bon Dios dun’é hopi aña mas pa e sigui ku e bon trabou ku e ta hasi. E potrètnan ta duna un bista di kon e selebrashon a bai i tambe na momentu di entrega di e Plakat dor di Minister na Sr. Pablo Walter.