Sherel Semeleer a reta Monchi pa un battle den ámbito di Tambú

204
E ta den gran forma na e momentu nan aki.

WILLEMSTAD,—-Loke ku ningun hende no a spera ta bai sosodé den luna di yanüari 2019, t’asina ku ‘E Mulina’, a haña informashon ku e popular kantante den ámbito di Tambú ku ta Sherel Semeleer a reta Monchi di Grupo di Sorpresa den un battle kara,kara ku otro.

E dos legendario kantante nan aki nunka no a yega di topa ku otro kara, kara, pues esaki ta pa promé biaha ku ámbos ta bai topa ku otro. Mester bisa ku despues di algun aña ku e dos grupo nan di Tambú esta Grupo Limania i Grupo Sorpresa ta bai topa ku otro nan dos so den kombinashon.

’E Mulina’,a drenta den kontakto ku ámbos kantante i ámbos kantante a konfirmá na ‘E Mulina’, ku ya pa basta tempu tur dos ta kana ku e deseo pa topa ku otro, nos tin ku bisa ku Sherel ta den gran forma na e momentu nan aki i Monchi tur hende sa ku ora e momentu di bèrdat presentá e ta bira un mònster, pues den luna di yanüari e dos kantante ku sigur fanátiko nan di Tambú ke mira para kara, kara ku otro. No tin duda ku e informashon aki ta bai bira tópiko di kombersashon riba e último dia di aña 2018.