Si TUNE ta bai partisipá den festival di Tumba Si òf No

191
E dia nan aki su nòmber ta na Bandera.

WILLEMSTAD,—-Ta masha hopi ta e informashon nan ku ta drenta na mesa di redakshon di ‘E Mulina’,. Ayera nos a haña informashon ku ta bai rondó di agrupashon musikal TUNE. T’asina nos a keda informá dor di un fuente ku awe desishon ta kai si e banda ariba menshoná ta partisipá den Festival di Tumba 2019 Si òf No.

Pues awe ta dia ku e desishon ta bai kai, esaki ta pa solamente festival di Tumba, pero pa loke ta trata marcha nan di Karnaval si TUNE ta 200% aden, nan ta bai ku un grupo di Karnaval ku otro aña ta bai hasi nan debut den marcha di Karnaval ku ta 3 di mart.

Djaya banda nos a haña informashon ku Tico Libiee ta den studio di grabashon ku dos roadfire, mas aleu nos tin informashon ku Tico Libiee por bai partisipá den Festival di Tumba 2019 ku otro agrupashon musikal, ta trata aki di un banda ku tur aña ku nan a partisipá nan a klasifiká nan kantante nan.

‘E Mulina’, sigur ta bai sigui vigilá e moveshon aki ku wowo nan di falki. Paso ta hopi importante pa sa si TUNE ta bai partisipá den festival di Tumba Si òf No, i ku kua agrupashon musikal Tico Libiee ta bai kuné den Tumba 49. Kòrda wak pa tur e di nan aki bo tin bo Korant Vigilante den bo man, pa asina nada no pasabu voorbij.