Un magnate grandi a tuma Grupo Sorpresa bou di su alanan

290
Esaki ta unifòrm nobo di Grupo Sorpresa.

WILLEMSTAD,—-Awe ta último dia pa loke ta trata aña 2018, i nos ta sera esaki aña ku otro informashon ku sin duda ta bai bira tópiko di kombersashon. T’asina ku ‘E Mulina’, a haña informashon ku tin un magnate a tuma e grupo di Tambú Grupo Sorpresa bou di su alanan.

Manera ku nos a hañá e informashon en kuestion, mes ora nos a drenta den kontakto ku e magnate, i nos a bisé di e informashon ku a yega serka nos. T’asina ku e magnate en kuestion a para duru riba un NO, pero mes ora nos a bisé di e prueba ku nos tin den nos posishon. Ta trata aki di potrèt di e unifòrm di un di e negoshi nan ku ta bai bou di alanan di e magnate.

Mester bisa ku e magnate a hari i sera su telefon, laga nos ku palabra na boka. Tambe nos a drenta den kontakto ku lider di grupo Sorpresa ku ta Monchi, i nos a bisé mes un kos ku nos a bisa e magnate,t’asina ku Monchi tambe a hari i bisa nos na final ku tempu ta e mihó maestro, nos a bisa Monchi ku nos tin informashon ku boso a bisti e unifòrm nobo ku logo di “YenkeeDonuts Johnny Cake”, aki un silensio grandi a kai. Pues palabra no mester ta hopi, i un biaha mas nos a bolbe kue Monchi for di base.