400.000: facebook vigilantekorsou ta akapará pa siman riba 400 mil views
Punda– Entrante 2019, Vigilante ta ofresé un servisio adishonal na su klientenan avisante. Ta trata di Vigilytics. Vigilytics, ta e posibilidat di analisá via “data analytics”, sifrasnan kon un aviso ta presta riba e plataforma sosial di facebook “vigilantekorsou”.

E facebook di Vigilante,  pa lokual ta trata medionan di komunikashon lokal ta esun mas grandi aktualmente ku riba 107 mil siguidó. Esaki ta brinda posibilidatnan infinito pa klientenan di Vigilante por midi kon efektivo i efisiente nan aviso ta. Despues di publiká e aviso ku sali den nos matutino di Vigilante, e kliente por  haña inkluí, e mesun aviso riba nos Facebook.

Kiko Vigilytics ta hasi
Vigilytics ta un forma simplifiká di “data analytics”. Spésifikamente, ku Vigilytics nos por midi eksaktamente pa nos klientenan kon largu un video òf otro forma di aviso ta mantené sea nan viewers of nan alkanse. E efektividat aki, nos ta relat’é na grupo di edat, género (sekso) region i diferente otro paramétriko mas ku tin na disponibilidat via di nos Facebook “vigilantekorsou”. Di e forma aki, nos ta deliniá huntu ku e kliente strategianan pa bira mas efektivo i efisiente.

Konsepto di Vigilytics
Vigilytics ta guia e kliente na desaroyo di 3 strategia básiko di merkadeo i avisá
1. Enfoke (Focus: determiná adelantá na ken e mensahe ta dirigí)
2. Diferente. Pa por ta mas efektivo, un mensahe riba plataforma sosial mester tin aspektonan diferente i sostenibel.
3. Kosto abou. Klientenan mester kuminsá realisá pa tene nan kosto di produkshon abou i  di durashon korto.

Kantidat di viewers no ta tur kos
Na Vigilytics nos ta guia klientenan pa pensa mas riba efektividat en bes di masa. Komersiantenan i relashonistanan públiko tin e tendensha di pensa ku “mas ta mihó”. Hopi viewers no nesesariamente ta nifiká ku e aviso tabata eksitoso. “Mantenshon di viewers” ta e faktor mas determinante. Na Vigilytics nos ta midi e kliente na su kapasidat di “mantené su mirónes (viewers) aktivo. Abase di e resultadonan ku nos midí, e kliente di Vigilante ta haña muchu mas mihó bista riba prestashon di su aviso.