16 haitiano ilegal detené abordo di embarkashon

70
Tipo di embarkashon den kua a detené e haitianonan.

BAHAMAS – Un total di 16 haitiano a keda detené na momentu ku nan tabata intentá di alkansá Bahamas den un embarkashon chikí di palu.

E inmigrantenan di e pais karibense a keda detené serka di mei anochi pa un patruya ku a detektá e embarkashon serka di Nassau, kapital di e isla.

Segun un komunikado, emití pa outoridatnan di e pais, a indiká ku otro inmigrantenan kisas lo por a alkansá kosta, ya ku nan ta sospechá ku lo tabatin un grupo mas grandi ku esun hañá abordo di e embarkashon.

E suseso a keda registrá ménos di 48 ora despues ku outoridatnan ya a realisá detenshon di un total di 124 inmigrante haitiano na masoménos 8 mia sùit di e mesun isla.