Destrukshon na Stadion Antoine Maduro

216
Destrukshon komete..
WILLEMSTAD—Antisosialnan i/òf muchanan baldadi durante di e último dianan a kometé destrukshon na Stadion Antoine Maduro. Un ke otro unda ku hasiendo uzo di vürwèrk, nan a rementá i destruí parti di espasio unda fanatikonan ku akudí na partidonan na e stadion aki, ta kumpra nan karchinan di entrada.

Esaki despues ku aparentemente lo a sende i/òf tira vürwèrk den e parti di bentana aki. E eksploshon a pone ku dirigentenan barika hel awor ta den gastu pa hasi e renobashonnan.

Tur esaki despues ku tambe algun dia pasá, a bin depositá restunan mortal di un kachó, den e trapi ku ta kondusí na e porta di entrada pa fanatikonan ku ta akudí na stadion.

Un i tur mes por konkluí kiko presisamente esaki por a sòru p’e na oló i tambe situashon a-higiéniko, na un stadion unda diferente persona, di tur edat ta akudí pa ehersé i otronan tambe pa sigui i gosa di e deporte rei futbòl.

Sigur komportashon i aktuashonnan di lamentá, ku Deporte Vigilante no ta spera ku lo stroba i tampoko demotivá esnan ku a bin ta traha ku alma i kurpa den e organisashon, di sigui hasi lo máksimo pa e stadion i nan ekipo.

Miéntras tantu mañan lo mester wega na Kintjan.